DEL A

FORMÅL

§ 1 Alle elevar har rett til eit godt fysisk og psykososialt miljø, som er rusfritt, og fritt for mobbing, vald og anna krenkande åtferd. Formålet med reglementet er å skape godt samarbeid, god trivsel, respekt og medansvar. Reglementet skal fremme god orden og gode arbeidsvanar og slik legge til rette for god læring.

Reglementet forpliktar heile skolesamfunnet.

Reglementet skal omfatte:
· Elevane sine rettar og plikter
· Orden og åtferd
· Tiltak overfor elevar som bryt reglement, og framgangsmåten ved handsaming av slike saker

VIRKEOMRÅDE
§ 2 Reglementet gjeld for alle elevar ved skolen under opplæring og, så langt anna ikkje er bestemt, også for vaksenopplæringa sine elevar, lærlingskoleelevar, hospitantar og andre når opplæringa går føre i skolen sin regi.

Reglementet gjeld også ved opplæringsformer og aktivitetar som gis under skolens ansvar og regi utanfor skolen sitt område, så langt dette ikkje er i strid med lokalgitte påbod eller forbod, eller ved ekskursjonar.

Reglementet er retningsgivande for vurdering av orden og åtferd.

RETTAR
§ 3 Elevane har rett til vidaregåande opplæring jfr. opplæringslova med forskrifter, fylkeskommunale vedtak og gjeldande læreplanar.
§ 4 Eleven har rett til ei opplæring som er tilpassa føresetnader, evner og behov. Eleven har derfor rett til og skal delta i:
Planlegging av opplæringa
- utforming av periodeplanar
- tolking og analyse av læreplanmål
- utforming av læringsmål
- val og utforming av kriteri for vurdering
- val av lærestoff i forhold til læreplanane, m.a. rett til sjølv å velje læreverk
- val av arbeids- og vurderingsformer
Gjennomføring av opplæringa
Vurdering av opplæringa
- sluttresultatet av arbeidet i forhold til læringsmål.
- prosessen som førte fram til resultatet.

Desse momenta kan vere individuelle for den enkelte elev, felles for ei mindre gruppe eller for større grupper. Skolen er ansvarleg for å gi elevane dei nødvendige føresetnadene for å kunne delta aktivt i dette arbeidet.
§ 5 Elevane har rett til å få tilbakemelding, oppfølging og rettleiing i forhold til dei mål den enkelte arbeider etter.
§ 6 Det skal gjennomførast førebudde elevsamtalar minst ein gang kvar termin mellom elev og kontaktlærar eller annan lærar.
§ 7 Ved faglege, personlege eller sosiale vanskar som har innverknad på opplæringa, har elevane rett til rådgiving, oppfølging og hjelp til å finne seg til rette, m.a. tilgang til sosial- og spesialpedagogisk teneste.
§ 8 Elevane har rett til rådgiving om utdanning og yrkesval.
§ 9 Skolen skal ha eit system som sikrar at det blir vurdert i kva grad organiseringa, tilrettelegginga og gjennomføringa av opplæringa er med på å nå dei måla som er fastsett for eleven eller gruppa.
Grunnlaget for vurderinga er læreplanverket sin generelle del og fagspesifikke delar som heile skolesamfunnet er forplikta overfor.
Eleven har rett til og skal delta i denne vurderinga.
§ 10 Elevane har rett til og bør ta opp med skolen (faglærar, kontaktlærar, rådgivar, skoleleiinga, evt. gjennom elevtillitsvalte) forhold som ikkje fungerer tilfredsstillande.
§ 11 Elevane har rett og plikt til å danne elevråd og å vere representert i skoleutval, skolemiljøutval og arbeidsmiljøutval.
Elevrådsrepresentantar har rett til regelmessige møte med skoleleiinga.
PLIKTER
§ 12 Elevane har plikt til å rette seg etter lover, reglement og instruks som gjeld.
§ 13 Elevane plikter å delta aktivt i opplæringa i den form den blir avtalt.
§ 14 Eleven skal snarast mogleg ta kontakt med faglærar dersom han/ho ikkje kan følgje opp arbeid til avtalt tid.
§ 15 Elevane skal følgje verne- og tryggleiksreglar og bruke det arbeidsklede og verneutstyr som krevjast i læreplan eller som er påbode av arbeidstilsynet, departementet eller skolen.
§ 16 Elevane skal halde seg med nødvendig lærestoff, materiell og utstyr til eige bruk som skolen ikkje held. Pålagt materiell og utstyr eller betaling for dette må ikkje vere i strid med forskrift eller vedtak frå departementet eller fylkeskommunen.
§ 17 Skolen sin eigedom og utstyr skal brukast med omtanke. Hærverk og skade kan føre til erstatningsansvar, jf. skadeserstatningslova.
§ 18 Elevar som gjennom sitt arbeid, oppdrag eller verv i samband med vidaregåande opplæring blir kjend med spesielle opplysningar, har teieplikt etter forvaltningslova sine reglar § 13 - 13 f. Teieplikta gjeld også etter at eleven har avslutta vidaregåande opplæring.

DEL B

SÆRSKILDE REGLAR FOR BORGUND VIDAREGÅANDE SKOLEARBEIDS- OG LÆRINGSMILJØ

§ 19 Det skal leggast vekt på å skape eit godt arbeids? og læringsmiljø prega av engasjement, aktiv deltaking og gode samarbeidsformer mellom alle i skolen. Det er viktig å vise respekt og medansvar og unngå eller hindre åtferd som har negativ innverknad på miljøet.
a. Alle må opptre omsynsfullt, realt og høfleg overfor kvarandre. Plaging, mobbing, vald eller anna krenkande åtferd blir ikkje akseptert, og alle partar i skolesamfunnet pliktar å hindre at dette skjer.
b. Arbeidsvanane til alle i skolen skal være prega av ansvar og orden med ryddig, punktleg og påliteleg åtferd.
c. Det er viktig for trivselen at det blir halde god orden over heile skolen ? ute og inne.
d. Bruk av tobakk er skadeleg. Det er ikkje lov å røyke, snuse eller bruke tobakksprodukt i skolens bygg og uteområde, og i lokale som skolen leiger.
e. Bruk eller oppbevaring av rusmidlar er forbode på skolen sitt område. Det er også forbode å vera påverka av rusmidlar.
f. Eting og drikking i undervisninga skal berre skje etter avtale med lærar.
g. Alle elevar skal ha på seg gyldig og synleg legitimasjon med bilete når dei er på skolen sitt område, eller på andre læringsarenaer der skolen har ansvaret.
h. Elektronisk utstyr og programvare kan berre nyttast i samråd med læraren.
i. Arbeidsklede skal berre brukast i praksisslokale, og til og frå garderoben.

OPPMØTE OG FRÅVÆR

§ 20 Aktiv deltaking er nødvendig for god læring. Elevane er av den grunn forplikta til å møte presis til opplæringa med mindre det ligg føre avtale med avdelingsleiar, kontaktlærar eller faglærar om anna.
Avgrensa opp til 14 dagar i skoleåret blir følgjande ikkje rekna som fråvær:
a) Arbeid som tillitsvald i landsdekkjande organisasjonar på regionalt nivå eller landsplan
b) Arbeid som tillitsvald i elevorganisasjon på regionalt plan eller landsplan.
c) Dokumentert lovpålagt oppmøte
d) Dokumentert langvarig eller kronisk sjukdom
e) Organisert hjelpearbeid i krisesituasjonar
f) Inntil 2 dagar ved religiøse høgtider for elevar som er medlem i andre trussamfunn enn Den Norske kyrkja.
g) Alt fråvær ut over dei 14 dagane skal førast på kompetansebevis og vitnemål.
h) Eleven/kursdeltakaren kan krevje at grunnen til fråværet blir ført på dokumentasjonen og er sjølv ansvarleg for å dokumentere grunnen til fråværet.
i) Om ein elev blir sjuk eller av annan tvingande grunn må forlate undervisninga i løpet av skoledagen, skal han/ho alltid melde frå til avdelingsleiar, kontaktlærar, faglærar eller administrasjonen/ekspedisjonen.
j) Ved fråvær pliktar eleven å gi melding om morgonen første fråværsdag. Ved fråvær på tre dagar eller meir, skal han/ho levere sjukmelding/legeerklæring.
k) Organisert eller sjølvstendig studiearbeid og skoleadministrative gjeremål blir ikkje rekna som fråvær når det er avtalt med avdelingsleiar, kontaktlærar eller faglærar.
l) Høgt fråvær kan medføre at eleven ikkje får termin? eller standpunktkarakter.
m) Elevar som får mykje fråvær på grunn av langvarig/kronisk sjukdom eller omsorgsansvar kan avtale med skolen korleis ein kan unngå tap av opplæring og vurderingsgrunnlag (ekstra opplæring, ekstra prøver, sjølvstendig studiearbeid)
FUSK

§ 21 Bruk av ulovlege hjelpemiddel og kommunikasjon med andre i prøvesituasjonar blir rekna som fusk. Det same gjeld avskrift av andre sitt arbeid som blir levert som eige produkt.
Dersom ein elev blir teken i fusk eller forsøk på fusk ved eksamen eller prøver, skal forholdet meldast til eksamensansvarleg eller rektor.
Karakteren på prøva eller det arbeidet det gjeld blir, annullert. Eleven set dermed seg sjølv i fare for ikkje å få karakter i faget og nedsett karakter i åtferd.

TILTAK VED BROT PÅ SKOLEN SITT ORDENSREGLEMENT

§ 22 Alle brot på skolereglementet skal førast i hovudprotokollen, det skal noterast kva brotet består i, og eleven skal ha munnleg melding om brotet på skolereglementet. Døme:
- Forstyrre undervisninga (brot på §5)
- Forseintkoming
- Manglande utstyr (etter at det er rimeleg at elevane skal ha skaffa seg dette)
- Ikkje leverer heimearbeid til fastsett tid (evt har gjort avtale)
- Ikkje nyttar pålagt verneutstyr
- Avvik frå omsynsfull, real og høfleg framferd

Ved seinast 5 brot på skolereglementet, skal kontaktlærar gjere føresette for elevar under 18 år merksame på situasjonen og ta opp i lærarteamet/lærarlaget om det skal kallast inn til ein samtale om at skolesituasjonen til eleven ikkje kan fortsette "på denne måten" lengre. Dersom eleven er over 18 år, skal same prosedyre fylgjast, men kontaktlæraren skal innhente samtykke frå eleven på at føresette kan kontaktast.
Det vert gjort avtale med eleven for å betre situasjonen. Dersom situasjonen ikkje betrar seg, skal avdelingsleiar vere med på neste møte med eleven.
Brot på reglement vil resultere i reaksjonar mot eleven i form av refsingstiltak, særskilde tiltak og/ eller nedsett karakter i orden og åtferd.
Refsingstiltak vil være:
- påtale frå ein av dei tilsette ved skolen
- utelukking frå klasse/gruppe for resten av timen etter faglærar si avgjerd.
- utelukking frå skolen for resten av skoledagen etter avgjerd frå avdelingsleiar.
Ved alvorlege brot på skolereglementet, eller dersom eleven ikkje betrar seg etter refsingstiltak, kan særskilde tiltak setjast i verk.
Særskilde tiltak:
- bortvising av eleven inntil 5 dagar etter avgjerd frå rektor
- bortvising for resten av skoleåret etter vedtak av fylkesmannen jfr. Opplæringslova § 3-8

Dette kan medføre at eleven i tillegg taper elevrettar sine etter § 3 ? 1 i same lov.
- tap av retten til vidaregåande opplæring.
Bortvising medfører ikkje at eleven fell utanfor ansvaret til oppfølgingstenesta.
Alle tiltak skal dokumenterast skriftleg.
Andre tiltak:
I tillegg til refsingstiltak eller særskilde tiltak, kan følgjande vere ein konsekvens av brot på reglementet:
- Avgrensa tilgang til bestemte aktivitetar ved gjentekne eller alvorlege brot på reglar/retningslinjer for slike aktivitetar.
- Ved skade og liknande på skolen eller annan eigedom der det er nødvendig med særskilde reinhaldstiltak og /eller reparasjon av skade, vil erstatning bli vurdert. Jfr. Skadeerstatningslova.
- Brot på reglementet vil bli vurdert ved fastsetjing av termin? og standpunktkarakter i orden og åtferd.

SAKSBEHANDLING
§ 23 Før refsingstiltak blir sett i verk, skal eleven ha høve til å forklare seg.
Ved særskilde tiltak skal rektor eller avdelingsleiar først rådføre seg med eleven sine lærarar. Før ein tek i bruk særskilde tiltak skal skolen først vurdere alternative tiltak, hjelpetiltak og / eller individuell kontrakt, og rådgjevar eller sosialpedagogisk personale skal ha uttalt seg.

KONTAKT SKOLE/HEIM
§ 24 Det skal leggjast vekt på å skape eit godt samarbeid mellom skole og heim/foreldre/føresette.

Det er eigne reglement for verkstadar, klinikkar og salongar.